گروپی کامکاره‌کان به‌ به‌شداریی هونه‌رمه‌ند کۆنسیرتێک له‌هه‌ڵه‌بجه سازده‌که‌ن.

بڕیاره  رۆژی 16/3/2013 له‌هه‌ڵه‌بجه له‌ساڵیادی کیمیابارانی هه‌ڵه‌بجه‌دا  کۆنسێرتێک به‌ڕێوه‌بچێت‌و تیایدا نوێترین به‌رهه‌می هاوبه‌شی گروپی کامکاره‌کان‌و عه‌دنان که‌ریم  له‌سه‌ر هه‌ڵه‌بجه پێشکه‌ش بکرێت.

ئه‌م به‌رهه‌مه که ‌ناوی (به‌یانیت باش هه‌ڵه‌بجه)یه‌ به‌رهه‌مێکی نوێیه‌و له‌ڕوانگه‌یه‌کی نوێوه ده‌ڕوانێته ئه‌م کاره‌ساته‌..

کۆنسێرتی کامکاره‌کان‌و عه‌دنان که‌ریم له‌هه‌ڵه‌بجه له‌لایه‌ن وه‌زاره‌تی شه‌هیدانه‌وه‌ به‌ڕێوه‌ده‌چێت‌و پاشان کامکاره‌کان‌و عه‌دنان که‌ریم رۆژی ٢٠/٣/2013 له‌چوارچێوه‌ی چالاکییه‌کانی یادی نه‌ورۆز له‌پارکی  شانه‌ده‌ر له‌هه‌ولێر کۆنسێرتێک سازبکه‌ن.